2012/07/07

مقتطفـات ورقيـة .. 18



نــار فى قلبـي و بــداري
بتكوي فيـا و بــداوي
ومفيش ولا حـاجة نافعة
دى الدنيـا كلـهـا بـلاوي

***

سـنـة من عمـري كمان راحــت
كل حياتى خـلاص ضـاعت
ضـايعة فى الم وتعب وجراح
ومشاعر فيا كتير ماتت

***
تعبت احاول اصفي نفسي من ناحيتك
وقلبي اللى دايما يسامح
اتعذب كفاياه من قسـوتــك

***

عـرفـت الحـب فى عيونـك ولمس إيديك
عـرفت فالحب غنـوة وهديتها ليــك
مشيت بعيد وسبتنى وبعتنى
اتاري الحب ده كان خســارة فيــك

***
القلب مليان جفـا ده مالـه ياناس
كلمة انا وقولتها علشان يبقى في احساس
اتاري الكلمة دايقته وزعلته
وراسه فى العند بقت أتــخــن رااس

9 التعليقات:

حنين محمد يقول...

صباح الغاردينيا حنونة
من أجل من نحب نسامع وندوس على الوجع
نمضي إلى أحضانه رغم الوجع لأننا هناك نشعر بالأمان
ورغم كل التنازلات يكون عناده قاسي "
؛؛
؛
شعرتها جدا حروف من حب رغم نزفها
لروحك عبق الغاردينيا
كانت هنا
Reemaas

ضياء عزت يقول...

حلوة دي وعجبتني يا حنان

بس انتي عندك الحسن من كدة .. يللا انشطي كدة وورينا

بالتوفيق دايما

Bent Men ElZman Da !! يقول...

"عـرفـت الحـب فى عيونـك ولمس إيديك
عـرفت فالحب غنـوة وهديتها ليــك
مشيت بعيد وسبتنى وبعتنى
اتاري الحب ده كان خســارة فيــك"

جامده اوووى يا حنان
حسيتها عامله زى الرباعيات
كل جزء فيها بيوصف حاله لوحده
وكلهم مع بعض بيوصفوا ازاى الواحد بيبقى موجوع اوى كده لما بيحب بجد

تسلم ايدك

nesma ezzat/نسمه عزت يقول...

جميله على فكره ويجى منك فى الرباعيات بس انتى حاولى
بالتوفيق

rona ali يقول...

حاسيت بعد ما خلص البوست عايزة اقول والله يا زمن لا بايدينا زرعنا الشوك :))

عجبتنى حنان :))

Menna يقول...

جميلة يا حنان تسلم ايد :)

Hanan w Haneen يقول...

نورتوني واسعدنى مروركــم الكريم ^_^

sahar ( كلمةٌ و نبض ) يقول...

جميلة يا حنان تسلم ايديكى ♥

أحمد أحمد صالح يقول...

جميلة كلماتك يا حنان، و التعبير بالعامية يزيد من اندماجنا مع روح الكلام خاصة اذا استخدمنا تعبيرات لها معنى او مغزى خاص..تحياتي

إرسال تعليق

قــولـوا كل اللى فى نفسكم ^_^