اه يا قلبي يا كتاكت يا مانت مليان وساكت
*نفسي بس أعرف : : ليه الحب يهون تخدع ليه وتخون .,,ليه معرفتش ليه مقدرتش مرة واحدة تصون
ليه الظلم حرام ...,,ليه كل الاوهام افضل اداوى جراحك وارجع وانا كلي آلاااام ليه ليه ليـــــــــه
*معرفش اندم على ايه .... أوقات بحس إنى ندمانة إنى حبيت بجد والأكتر إنى أخلصت ..:( ما هو الإخلاص نتيجة انى حبيت بجد أصلا"
*طيب على العموم أنا بندم إنى أخلصت رغم الخيانة وحبيت رغم اللامبالاة والبرود ف الحب إللى كنت واثقة منه وكنت بستحمل :( :(
وكنت
بصبر فى كل حاجة على أساس إنى عندي أمل ان ممكن حد يتغير أو يبقى أحسن
لكن للأسف طلع عاوز يدينى الضربة القاضية مرة واحدة ... :( :'(
*سامحت
وعديتها كتير ومكانش المفروض أسامح بس سامحت فى سبيل حبي يعيش وهو قتله
بنفسه لأسباب وعقد وضعها هو علشان ميبقاش ليها حل وعلشان قال يعني اكون انا
اللى اسمي نهيت كل حاجة .... بس والله التلاكيك كانت باينة أوي منه..
*قال إيه مفيش وقت للحب ولا للعواطف..
طيب بالذمة يا ناس فى حد بيحب قراره ياخده بمنتهى البساطة ويركبه عفريت كلمة ( لأ )
إللى بيحب على الأقل أبسط حاجة كان يقولها هحاول يا حبيبتي ...
*كلامي ده ليه بقوله مع إن مفيش فايـــــــــدة
*( وإنت كمان هنت عليا زى ما هنت عليك ...أنا لا أنا ليك ولا إنت ليا ما دام مطمرش فيك)
((
كلام قديــم غيري محتاجــه .. ناس كتيير مرت بالإحساس ده اكيــد .. ناس
كتير حبت واتخانت .. واتجرحت واتهانت.. اخلصت وعـانِـت .. وقلبها اتكسر
ولسة ما تابــت .. احفظـ قلبـكـ لـشاريـه بروحـه فى ده الزمن .. ومتبيعش
نفسك لأي حد برخص التمن ))
5 التعليقات:
مممممممم
ماشي ماشي يا حنان
مع إن الكلام جد.. والنصيحة بيكون دمها تقيل .. بس انتي كتبتيها بخفة دم جميلة
بالتوفيق دايما
شوفى يا قمرايه انا هقولك نصيحه حبى زى ما انتى عايزه ليه لان الحب بيصنع المعجزات بس اختارى اللى يستحق حبك ^_^
اللى يستحق انه يعلم فى قلبك طول العمر ممكن جدا تفرق بينكم الظروف والاقدار والدنيا بس لما تسترجعى ذكراه تشعرك بسعاده وتطلع احسن ما داخلك انا عندى يقين ان مفيش قصة حب صادقه بتكتمل علشان كده ممكن اديكى نصيحه من اخت ضعى قلبك فى ثلاجه وطلعيه بس لمن تشعرى انه يستحق
لان الحب فى حد ذاته حاجه جميله جدا بيخلى الواحد دايماً مليان تناقضات فرحان وزعلان عنده نشاط وكسول
هيماااااااااااااان كده على طول
ربنا يكتبلك كل السعاده
شوفى بقى انا عارفه انى مقصره معاكى كتيير ومش بدخل والله اخويا بيتجوز وبخطف اللحظات بتاعة الصبح دى انشر حاجه وامشى على طول بس اوعدك هتفرغ لمدونتك مخصوص لانك بتفكرينى بنفسى وانا فى سنك بس انا حياتى حصل فيها حاجات كتيييييييييره اووى مش حلوه اووى من وجهة نظرى بس هنقول ايه نصيب بس بشوف احلى ما فى حياتى ولادى الاتنين وكتاباتى اللى بحاول اعيش الناس فى الحب اللى خطفه الموت منى اتمنى لك كل السعاده
@Deyaa: اه بقا شوفت.. مطمرش فيه الشوكلاتة وجابلي الحكاية على بلاطة :P
@wessam : عندك حق فى كل كلمة قولتيها والله ..
ونفسي جدا اعرف اعمل زى ما بتقولى واحطـ قلبي فى تلاجة لانى حاسة انه فى فرن اصلا .. نفسي بجد اجمد مشاعري وقت ما احب .. ووقت ما احب اسيحها ..
بس هو عموما كلام كنت كتباه من 3 سنين وكنت حاطاه فى المسودة ولما ملقتش حاجة اكتبها فى التدوينة الجديدة قولت احطه مؤقتا" وزودت عليه السطور الاخيرة بين الاقواس .. بس بكل اسف .. سواء زمان او دلوقت .. انا زي مانا .. ويمكن اللى بكتبه دلوقت احساسه اعلى من دي بكتير .. يعنى الالم بيزيد.. باختلاف الناس
نورتيني يا أمــل ويارب يخليلك ولادك وتفرحي بيهم وتقدري تدخلى وتنوريني دايما ^_^
كلامك صح فى ناس بتمر بيه كتير اوووى
بس اللى بيلاقى ان حبه بيموت بالبطئ وبيحاول يعمل مش واخد باله
واللى بيتخان مره واتنين وعشره وبيسسامح
واللى بيعيش الحب من طرف واحد لان الطرف التانى غير مبالى بيه اصلا وبيعامله بكل قسوه
يبقى فى النهايه لازم وحتما يدوس على قلبه
عشان فى النهايه مصير الحب ده للموت
لان ده اصلا مايبقاش حب
الحب يعنى طرفين بيحاولوا بأقصى ما عندهم انهم يكملوا مع بعض ويدوا بعض الحب اللى المفروض يكون
الحب اللى بجد يعنى الحياه والمستقبل اللى بيكملوا بعض فيه
إرسال تعليق
قــولـوا كل اللى فى نفسكم ^_^