يوم التدوين الموحد .. 15

1/ عرف نفسك ؟

حنان .. 20 سنـة
طالبة  بكلية حقوق منتظرة النتيجة تطلع وابقى اتخرجت ان شاء الله :)
بعشق البساطة .. وابغض التكبر والغرور ..
بـكـره النفاق ومبحبش المجاملة .. اللى فى قلبي غالبا" على لسانى
 مجنــونـة احيانا و طاقَـة زى ما بيقول البعض .. وعلى العكس تماما هاديـة زى ما باقي البعض بيقولوا بردو :D
دمعتي قريـبـة .. حساسـة جدا" من اقل حاجة .. غيــورة جدا" جدا" ..
بحبكو كلكو :D :D
***
2/ ما أكثر ما يميز شخصيتك ؟

الطيـبـة والثقـة فى الناس زيادة عن اللزوم
***
3/ ما هى اهم نقطة تحول فى حياتك ؟

حملة التدوين اليومي .. والمشاركة فى مجلة ..
لكن حلمي اكبر من كده بإذن الله هيتحقق
***
4/ كيف دخلت الى عالم التدوين ؟

من خلال زميـلة ليـا عرفتني على المدونة وازاى اكتب فيها ..
وكنت كل فترة ادخل احاول اظبط شكلها واكتب كل فين وفين حاجة فيها
كان كلـه اللى بكتبه على ورق .. وللأسف حاجات كتييير ضااعت وكانوا من اجمل ما كتبت ..

5/ ما اسم مدونتك ولماذا اخترته ؟

Hanan w Haneen .. نفس اسمي على الفيـس بـوك ..
حبيت يبقى الاسم زى بعـض علشان تقريبا انا اتعرفت خلاص باسم حنان وحنين .. بكتبه فى كل حاجة
6/ صف مدونتك ؟
خفيفة ..بسيــطـة .. كلام من القلب

7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟
Aya Mohamed .. تعتبر من داخله ومن خارجه ..
حاليا بعد مشاركتي فى حملة التدوين .. شوفت مدونات جميلة جدا شجعتنى من اسلوبها على انى اكتب اكتر
واحب الكتابة اكتر من عشقي لـهـا

8/ ما هى طقوسك الخاصة عند الكتابة ؟
مفيش طقوس معينة .. بكتب اللى بحـس بيــه .. ولما اكون محتاجة لوزن الكلام .. بزود حاجات عن احساسي

9/ ما هو الاسلوب المفضل لديك فى التدوين ؟
الهدوووء .. وممكن ميوزك هادي كده ..
بحب اكتب اشعار بالعامية اغلب الاوقات .. واحيانا بيجيلي مزااج اوي اكتب بالفصحى

10/ فى رأيك ما أهم ما يميز تدويناتك ؟
احساسي الواضح فيها

11/ ما هو تقيمك لعالم التدوين فى الفترة الاخيرة ؟
شايفة انه بيبقى احسن كل فترة .. وناس كتير ما شاء الله اسلوب كتاباتهم راائع

12/ اختر اقرب تدويناتك الى نفسك وضع رابطها وحدثنا عنها ؟
نبضات صور
كل نبضة فيها قبل ما كانت بتخرج من قلبي وبتتكتب كانت بتقطعه وهى طالعة :(

13/ استعرض اهم المواقف الغريبة او الطريفة التى صادفتك مع التدوين ؟
مش متذكرة ان حصل مواقف هنا غريبة او طريفة :D

14/ هل أحدث التدوين تأثيرا عليك ؟ وكيف ؟
من خلال دعوة التدوين اليومي اتشجعت اكتر انى اكتب على طول واحاول اطور من نفسي
قبل كده كنت بكتب كل ما اكون رايقة ويجيلي مزاج ممكن من السنة للسنة
وحاجات جوايا كانت كتير ومكنتش بخرجها ..
لكن دعوة التدوين اجبرتني بفرحة من قلبي انى اشارك فيها واكتب غصب عني كل اللى جوايا ^_^
وادتنى افكار جديدة هتخليني اعمل حاجة ان شاء الله ولما احققها اكيد هقولكم :)

15/ اختر اى مدون ووجه له سؤال ؟

شيرين سامي .: حـابـة اعرف ازاى ابتديتي مشوارك الادبي وايه اكتر حاجة او حـد شجعـك على الكتابة :)