2009/03/29



Nice Match & congratulation 4 Egypt




ألف ألف ألف مبروك لفوز منتخبنا المصري وعقبال كل ماتش :)

2009/03/28

هشوفك ازاى؟؟؟


هشوفك تانى ازاى قوللى طب انت هتقدر توصللي!! مش عارفة انا ايه اللى هيحصلي طول مانت بعيد


وانت بعيد بعيد بعيد لكن قريب الشوق اليك يزيد يزيد والنار النار تشيب....راجع اكيد اكيد والصبر طيب


ليالي بتعدى ليالي وقلبي بيبكى على حالى لا عارفة اتكلم اقول مالى والنار بتزيد


وانت بعيد بعيد بعيد لكن قريب الشوق اليك يزيد يزيد والنار النار تشيب....راجع اكيد اكيد والصبر طيب




وأخيرا" نجحت


وااااااااااااااااااو


ولأول مرة فى الجامعة وأول سنة ليا فى الجامعة


مكنتش متوقعة انى هتأقلم على الجامعة وامتحانتها من اول مرة


بس بجد أخيرا"


نجحت


ونجحت نجحت نجحت ياناااااااااااااااس


كل إللى بيحبونى وهيفرحوولى نجحت نجحت نجحــــــــــــــــت



بجد حاجة غير متوقعة هههههههههههههه


الحمدلله والشكر لله وحده ....



بجد أنا فرحانة مووووووووت صحيح النتيجة مش اوى يعنى بس بجد أشكر ربى على كل ما قدمه لي...


الحمد لله الحمد لله الحمد لله...


بجد من النهاردة نفسي اتفتحت على المذاكرة ولازم اشد واجتهد ولازم اثبت لنفسي ان ( من جد وجد ومن زرع حصد )



إمتى بس يجي اليوم اللى افرح ماما وبابا فيه واقولهم بنتكم هتدخل السلك الدبلوماسي يا سلام بجد هيبقى أحلى يوم فى حياااتى وانا
متفائلة جدا" بإذن الله :) :)


او حتى ادخل النيابة بردو بمشيئة ربنا يااااااااارب



وصدقونى أول ناس هيعرفو انتو ياللى بتحبونى :) :) وأنا كمان بحبكم موووووووووووووت ..
وبجد زعلت اوى لأصحابي اللى شالو مواد ومش مبسوطين وبردو فرحت اوى لأصحابي اللى جابو اعلى منى كمااان :) :)



كفاية كده صدعتكم بس بجد من الفرحة :)
ملحوظة : السفر هيفضل فى دماغى LOL

2009/03/27

شنطة سفر ...ليه لأ


لا لا لا بجد أنا لازم أسافر واشوف اى طريقة اهج بيها من الدنيا دي


لااااااااااااااا ماهو انا هسافر يعنى هسافر ولو هروح فييييييين


المهم اعيش لوحدييييييييييي واشرب الكابتشينو بتاعى كده وانا مزاجى رايق او ممكن نسكافيه مش هتفرق كتييير



يا سلام يا سلام اهى احلااااااااااااااااااام بس لازم احققها



هى الكلية دى بس تخلص واطيير


او قبل ما تخلص حتى هو احنا بيهمنا حاجة ده احنا جامدين اوى اوى على رأي منى زكى :P :P

اشوفلى اى سفرية لبرة اى حد يبعتلى ياخدنى ويستلقنى من كل الهم ده بس اكيييد مش حد يعنى شاب متفهموش غلطLOL


حد يعنى اى حد يكون من قرايبي او كده


الاول كانت الفرصة قدامى بس مكنش عندى عزيمة لكن بجد من النهاردة لازم اشوف حل فى الكارثة دى اوف بقى..


ملل وزهق وحيرة وخوف وعرفت اللى فيها وايييييييييييييييييييه هبطل السجاير واكون انسان جديد واييييييييييييييييييه ...



انا شاربة ايه ؟؟؟


والله شاى بنعناع وبس هههههههههه



يللا بقى يارب خييييييييييييير.


سلام كبييير اوى اوى اوى للباشا نونا :p :p المهيسة اخر حاجة دى .,,,بس كله من الدنيا واللى عملته فيا برغم صغر سنى :( :'(


( تصبحون على خيرون )



وياك...بهاء سلطان


لما أوحشك غمض عينيك وإنده عليا

أنا هسمعك وهحس بيك وتحس بيا

صورتى فى إيديك بوسها بعينيك

وإبعتلى وردة :( :( :(